Bakıda karantin qaydalarını pozan əyləncə klubu aşkarlanıb, 100-dən çox şəxs cərimələnib - VİDEO

Bakıda karantin qaydalarını pozan əyləncə klubu aşkarlanıb, 100-dən çox şəxs cərimələnib - <span class="red_color">VİDEO
# 22 may 2021 09:53 (UTC +04:00)

Paytaxtın Nəsimi rayonunda xüsusi karantin rejimi qaydalarına əməl etməyən əyləncə klubu aşkarlanıb. 

APA-nın məlumatına görə, polis əməkdaşları tərəfindən keçirilən tədbirlərlə sanitariya-gigiyena və karantin rejimi qaydalarını pozan obyektin sahibi, xidmət personalı və məkanda olan digər şəxslər barəsində qanunvericiliyə uyğun olaraq müvafiq tədbirlər görülüb.

Ümumilikdə 100-dən artıq şəxs barəsində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə protokol tərtib edilməklə,  inzibati tənbeh tədbiri tətbiq olunub. 

Sahibkarlıq subyektinin rəhbərliyi barəsində isə müvafiq araşdırmalar davam etdirilir. Nəticədən asılı olaraq onun əməlinə hüquqi qiymət verilməsi üçün toplanmış materiallar məhkəməyə göndəriləcək.

Məlumatı DİN Mətbuat Xidmətindən APA-ya təsdiqləyiblər.

#
#

ƏMƏLİYYAT İCRA OLUNUR