Gəncədə yol-nəqliyyat hadisəsi baş verib.
APA-nın yerli bürosunun məlumatına görə, hadisə şəhərin Eminbəyli küçəsində qeydə alınıb.
Hərəkətdə olan "VAZ 2115" markalı minik maşını ilə "VAZ 21099" avtomobil toqquşub. Qəza zamanı iki qadın - 1970-ci il təvəllüdlü Heydərova Zülfiyyə Surxay qızı və 1990-cı il təvəllüdlü Orucova Günel Müzadil qızı xəsarət alaraq xəstəxanaya yerləşdirilib, vəziyyətlərinin kafi olduğu bildirilir.
Faktla bağlı araşdırma aparılır.