Göygöl rayonunda yol-nəqliyyat hadisəsi baş verib.
APA-nın yerli bürosunun məlumatına görə, hadisə Gəncə-Toğanalı avtomobil yolunun rayonun Aşqılı kəndindən keçən hissəsində qeydə alınıb.
Ekskavatoru daşıyan evakuator idarəetmədən çıxıb və nəticədə yük yerindəki ekskavator aşıb. Hadisə zamanı xəsarət alan olmasa da, uzun tıxac yaranıb. Belə ki, istirahətdən qayıdan vətəndaşlar saatlarla yolda qalıblar.