Maliyyə

Ana səhifə

Maliyyə

Azərbaycan Vergilər Nazirliyinin iyulda topladığı vergi ödənişləri 0,3% azalıb

20 avqust 2008 14:36 (UTC +04:00)

Bakı. Nicat Mustafayev – APA-Economics. Azərbaycan Vergilər Nazirliyi tərəfindən 2008-ci ilin iyul ayı ərzində toplanmış vergi ödənişlərinin həcmi 841 924,3 min manat təşkil edib ki, bu da ötən ilin müvafiq dövrü ilə müqayisədə 0,3% azdır.
Nazirlikdən «APA-Economics»ə verilən məlumata görə, hesabat ayında əlavə dəyər vergisi üzrə 120 797,7 min manat, aksiz üzrə 26 579,9 min manat, mənfəət vergisi üzrə 587 919,9 min manat, mədən vergisi üzrə 20 595,5 min manat, torpaq vergisi üzrə 1 350,4 min manat, əmlak vergisi üzrə 9 382,3 min manat, fiziki şəxslərin gəlir vergisi üzrə 52 504,4 min manat, dövlət rüsumu üzrə 5 936,6 min manat, yol vergisi üzrə 2 164,7 min manat, sadələşdirilmiş vergi üzrə 8,027 min manat, digər daxilolmalar üzrə isə 6 665,9 vəsait daxil olub.
Qeyd edək ki, bu ilin yanvar-iyul ayları üzrə vergi daxilolmaların həcmi 3 753 929,8 min manat təşkil edib.