Bu ilin yanvar-sentyabr ayları ərzində Azərbaycan 1,075 mln. ABŞ dolları dəyərində 1 146 506 ədəd günəş eynəyi idxal edib ki, bu da ötən ilin eyni dövrü ilə müqayisədə dəyər ifadəsində 29,7%, miqdar ifadəsində isə 34,4% azdır.
"APA-Economics"in Dövlət Statistika Komitəsinin məlumatları əsasında apardığı hesablamalara görə, cari ilin ilk 9 ayında Azərbaycana günəş eynəklərinin əsas tədarükçüsü Çin olub. Hesabat dövründə, Çindən Azərbaycana 805,53 min dollarlıq 1 122 794 ədəd günəş eynəyi gətirilib ki, bu da illik müqayisədə dəyər ifadəsində 21%, miqdar ifadəsində isə 35,1% azdır.
Qeyd edək ki, Azərbaycanın günəş eynəklərinin idxalında ikinci pillədə qərarlaşan Türkiyə isə 2020-ci ilin ilk üç rübündə ölkəyə 19,22 min dollar dəyərində cəmi 18 732 eynək göndərib. Bu da ötən ilin eyni dövrü ilə müqayisədə dəyər ifadəsində 2,1 dəfə, miqdar ifadəsində isə 70,3% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
