Bu ilin may ayında Gürcüstan Azərbaycandan 1,9 min ton neft bitumu idxal edib.
APA-nın yerli bürosu xəbər verir ki, bu barədə Gürcüstan Neft Məhsulları İdxalçıları Birliyinin hesabatında qeyd olunub.
Bildirilib ki, Azərbaycandan idxal Gürcüstanın ümumi idxalının 24,7%-ni təşkil edib. May ayında Gürcüstan ən çox Rusiyadan neft bitumu idxal edib – 4,2 min ton. Bu, ümumi idxalın 59,7%-nə bərabər olub. Gürcüstanın may ayında neft bitumu idxalı 7,7 min ton təşkil edib ki, bu da illik müqayisədə 45,8% azdır.
Hesabatda qeyd olunub ki, yanvar-may ayları ərzində Gürcüstan Azərbaycandan 13,7 min ton neft bitumu idxal edib. Bu, cari il ərzində ümumi idxalın 53,7%-ni təşkil edib. Hesabat dövründə Gürcüstanın ümumilikdə 25,5 min ton neft bitumu idxal edib ki, bu da illik müqayisədə 18,6 min ton və ya 42,2% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
