Avropa Komissiyası enerji qiymətlərinin artması səbəbindən Avropa İttifaqında (Aİ) müəssisələrin bağlanması risklərinin gördüyünü bildirib.
"APA-Economics"in Rusiya mətbuatına istinadən verdiyi məlumata görə, bunu Avropa Komissiyasının rəhbəri Ursula fon der Leyen deyib.
Onun sözlərinə görə, qaz qiymətləri dövri xarakter daşıyır və qlobal bazar tərəfindən müəyyən edilir. Mövcud sıçrayışın səbəblərindən biri də qlobal iqtisadiyyatın canlanmasıdır. Bununla birlikdə, "mavi yanacağın" qiyməti Aİ elektrik enerjisinin qiymətini artırır, bu da Aİ iqtisadiyyatına təzyiq göstərir
Ursula fon der Leyen onu da bildirib ki, Avropa Komissiyası qiymət artımının bir çox ailənin dolanışığını çətinləşdirdiyini və şirkətlərin bağlanma riski ilə üzləşdiyini müşahidə edir.
Avropa Komissiyasının rəhbəri əlavə edib ki, Aİ qaz idxalından çox asılıdır və "mavı yanacaq" tədarükçülərinin sayını artırmaq vacibdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
