Bu ilin yanvar-avqust aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 1 147,9 mln. manatlıq məhsul istehsal edilib.
Dövlət Statistika Komitəsindən "APA-Economics"ə verilən məlumata görə, əvvəlki ilin müvafiq dövrü ilə müqayisədə məhsul buraxılışı əczaçılıq məhsullarının istehsalında 62,1%, rezin və plastik kütlə məmulatlarının istehsalında 17,5%, kimya sənayesi məhsullarının istehsalında isə 5,8% artıb.
Hesabat dövründə ölkədə 6 455,3 min kubmetr oksigen istehsal olunub ki, bu da illik ifadədə 3,9 dəfə çoxdur. İstehsal olunmuş oksigenin 6 431,3 min kubmetri (artım 4 dəfə) əmtəəlik oksigenin payına düşüb.
Məlumata görə, əsas kimya məhsullarından lak-boya məmulatlarının istehsalı 2,1 dəfə, rezin və plastik kütlə məmulatlarından plastik borular, borucuqlar və şlanqlar üçün fitinqlərin istehsalı isə 4,1 dəfə artıb.
Azərbaycanda əsas kimya məhsullarının istehsalı dinamikası:
Məhsul növləri |
2021-ci il, yanvar-avqust |
2020-ci ilin müvafiq ayına nisbətən, % |
Azot, min kubmetr |
15 045,2 |
101,1 |
ondan əmtəəlik |
611,2 |
2,1 dəfə |
Yod, ton |
110,7 |
89,7 |
Oksigen, min kubmetr |
6 455,3 |
3,9 dəfə |
ondan əmtəəlik |
6 431,3 |
4 dəfə |
Propilen, min ton |
93,5 |
121,3 |
ondan əmtəəlik |
87,7 |
120 |
Polietilen, min ton |
106,8 |
104,4 |
Etilen, min ton |
108,8 |
106,6 |
Metanol (metil spirti), min ton |
197,2 |
60,3 |
Lak-boya məmulatları, ton |
18 199,1 |
2,1 dəfə |
Sair üzvi kompozisiya həllediciləri və durulaşdırıcıları, ton |
28 746,8 |
129,5 |