“Energetika sistemində çox böyük problemlər var”.
APA-nın məlumatına görə, bunu Milli Məclisin bu gün keçirilən iclasında deputat Vahid Əhmədov “Enerji resurslarından səmərəli istifadə və enerji effektivliyi haqqında” qanun layihəsinin müzakirəsi zamanı deyib.
Deputat bildirib ki, ən böyük problem isə sayğaclarla bağlıdır: “Bununla bağlı bizə çox sayda şikayət gəlir. Yeni qanunda ağıllı sayğac anlayışından bəhs edilir. Ümumiyyətlə, aydınlıq gətirilməlidir ki, köhnə sayğaclar dəyişdiriləcəkmi?”
Deputat Sadiq Qurbanov Vahid Əhmədova cavabında bildirib ki, komitə iclasında bu məsələ qaldırılıb: “Bu gün bizim işğaldan azad olunmuş ərazilərimizdə “ağıllı şəhər”, “ağıllı kənd” anlayışları tətbiq edilir. Mənə verilən məlumata görə, Avropa standartlarına cavab verən ağıllı sayğaclar tətbiq ediləcək. Sayğacların balansını internet vasitəsilə artırmaq mümkün olacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
