“Son zamanlar cinayətlərin artmasına səbəb olan narkotiklər bəzən “patı”, “metamfitamin”, “şüşə” deyilən vasitələrdir”.
APA-nın məlumatına görə, bunu Səhiyyə Nazirliyinin “İnstagram” səhifəsində “Narkomaniya ilə mübarizə" mövzusunda canlı yayımda Səhiyyə Nazirliyi Respublika Narkoloji Mərkəzinin baş direktoru Orxan Cəfərov deyib.
O bildirib ki, bunlar psixi asılılıq yaradır və orqanizmə çox dağıdıcı təsir göstərir: “Metamfitamin qəbul edən şəxsləri dəri örtüyündən belə müəyyən etmək olar. Çünki bu vasitədən bir ildən artıq istifadə edənlərin dərisində irinli yaralar belə əmələ gəlir”.