“Sentyabrın 7-dən işə yeni qəbul olunmuş gənc müəllimlərin təhsil mühitinə adaptasiyası ilə bağlı işlər görüləcək”.
APA-nın məlumatına görə, bunu İnsan Resursları Mərkəzinin direktoru vəzifəsini icra edən Nurlan İsmayılbəyli müəllimlərin işə qəbulu müsabiqəsinin yekunları ilə bağlı çıxışında deyib. O bildirib ki, bununla bağlı müxtəlif təlim proqramları həyata keçiriləcək: “Bu prosesə qoşulmaq üçün yaxın zamanda məlumat veriləcək. Olduqca faydalı proqram olacağını düşünürük. İlk dəfə tətbiq olunacaq proqramlardan biridir”.
O bildirib ki, növbəti həftə ərzində xüsusi təhsil müəssisələrində ümumtəhsil fənləri üzrə vakant yerlər açıqlanacaq: “Bu vakant yerlərin sayı çox deyil. Bununla bağlı tələblər haqqında məlumatlar veriləcək”.