“Son zamanlar “patı” deyilən narkotik vasitədən arıqlamaq üçün istifadə olunur. Bu, iştah küsdürür, maddələr mübadiləsini sürətləndirir və bədəndə piylər əriməyə başlayır”.
APA-nın məlumatına görə, bunu Məhkəmə Ekspertiza Mərkəzi Fiziki-kimyəvi ekspertizalar şöbəsinin rəisi Elvin Aslanov bildirib.
Tibb baş idarəsinin narkologiya üzrə inspektoru-həkim Fərman Fərmayılov isə deyib ki, bunun nəticəsində orqanizmin daxili imkanları hesabına kənardan əlavə qidaya ehtiyac olmur, enerji ehtiyatı çox olur: “Bu da bir müddətdən sonra orqanizmin daxili enerjisinin tükənməsinə səbəb olur. Bu narkotik maddənin ən təhlükəli xüsusiyyəti odur ki, ilk qəbuldan asılılıq yaratmır və aldadıcı təsir göstərir”.