Bakı. Aynur Əliyeva – APA-Economics. Azərbaycanda keçən il sentyabr ayının əvvəlindən bu ilin yanvar ayının sonunadək onlayn rejimdə 3 544 vahid «*.az» milli domen adı qeydiyyata alınıb. Bunu «APA-Economics»ə Rabitə və İnformasiya Texnologiyaları Nazirliyi yanında ETM-in direktoru Faiq Fərmanov bildirib.
«APA-Economics»in «Whois.az» saytına istinadən verdiyi xəbərə görə, Azərbaycanda ümumilikdə ötən il 21 662 domen adı qeydə alınıb. İlin əvvəlindən 125 domen ləvğ olunub, 1 080 domen isə qeydiyyatdan keçib.
Qeyd edək ki, hazırda birinci səviyyəli milli domenlərin (*.az) birdəfəlik qeydiyyatı 20 manat, illik ödəniş haqqı da 20 manat təşkil edir. İkinci səviyyəli domenlərin (*.com.az, *.net.az, *.biz.az və s.) qeydiyyatı pulsuz, illik ödəniş isə 10 manatdır.
Azərbaycan təhsil müəssisələrinin və dövlət qurumlarının domenlərinin (*.edu.az və *.gov.az) qeydiyyatı və texniki dəstəyi ödənişsiz həyata keçirilir.
Qeyd edək ki, internetdə Adlar və Nömrələr üzrə Qeydiyyat Korporasiyası (Internet Corporation for Assigned Names and Numbers, ICANN) 1993-cü il avqustun 25-də «*.az» domen zonasının Azərbaycan dövlətinə verilməsi haqqında qərar qəbul edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
