Bakı-APA. Azərbaycan prezidenti İlham Əliyev Naxçıvan Muxtar Respublikasında “Arpaçay-2” su elektrik stansiyasının tikintisinin maliyyələşdirilməsi haqqında sərəncam imzalayıb.
APA-nın məlumatına görə, “Arpaçay-2” su elektrik stansiyasının tikintisini başa çatdırmaq üçün Prezidentin ehtiyat fondundan Naxçıvan Muxtar Respublikasının Nazirlər Kabinetinə 4 milyon manat ayrılıb.
Maliyyə Nazirliyinə maliyyələşməni müəyyən olunmuş qaydada təmin etmək tapşırılıb.