Bakı. Vahab Rzayev – APA-Economics. Azərbaycanda fəaliyyət göstərən kommersiya banklarının məcmu kapitalının həcmi 2014-cü il yanvarın 1-nə 3 426,2 mln. manat təşkil edib ki, bu da illik müqayisədə 853,2 mln. manat və ya 33,2% çoxdur.
«APA-Economics»in xəbər verdiyi kimi, Azərbaycan Mərkəzi Bankının məlumatına görə, təkcə ötən ilin dekabr ayında məcmu bank kapitalı 87,0 mln. manat və ya 2,6% artıb.
Qeyd edək ki, məcmu kapitalının 2013-cü il ərzində artımı 2012-ci ilin göstəricisindən (686,7 mln. manat) yüksək olub. Eyni zamanda, 2012-2013-cü illərdə müşahidə olunan artım bütün əvvəlki illərin göstəricilərindən üstün olub. Bu da təbiidir, çünki 2014-cü ilin yanvarın 1-nə qədər ölkə bankları kapitallarını 50 mln. manata çatdırmalı idi və banklar bunu əsasən 2012-ci və 2013-cü illərdə həyata keçirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
