Gəncə. Azər Məmmədli - APA. Gəncə şəhərində bıçaqlanma hadisəsi baş verib. Gəncə şəhər Təcili Tibbi Yardım Xəstəxanasından APA-nın qərb bürosuna verilən məlumata görə, şəhər sakini, 1991-ci il təvəllüdlü Eyyub Talıbov qarının çoxsaylı kəsilmiş-deşilmiş yarası diaqnozu ilə xəstəxanaya yerləşdirilib. Dərhal əməliyyat edilən E. Talıbovun vəziyyəti orta-ağır qiymətləndirilir.
Gəncə şəhər Baş Polis İdarəsindən verilən məlumata görə, E. Talıbovun kim tərəfindən bıçaqlandığı hələ ki, məlum deyil. Faktla bağlı araşdırma aparılır.