Bakı – APA. Bu gün Çin Xalq Respublikası Kommunist Partiyasının Xarici Əlaqələr Departamentinin direktor müavini Co Linin rəhbərlik etdiyi nümayəndə heyəti Azərbaycan Respublikasının Prezidenti yanında Strateji Araşdırmalar Mərkəzində (SAM) olub.
SAM-dan APA-ya verilən məlumata görə, görüş zamanı Çin və Azərbaycan arasında ikitərəfli münasibətlərin formalaşması və inkişaf mərhələləri, eləcə də Dağlıq Qarabağ münaqişəsi və onun həlli yolları, Azərbaycanın Cənubi Qafqazda apardığı siyasət, SAM-ın ÇXR-də həyata keçirdiyi layihələr və təşkil etdiyi tədbirlər müzakirə edilib.
Görüş həmçinin gələcək əməkdaşlıq perspektivləri müzakirə olunub.