Bakı. Şəhriyar Əlizadə - APA. Azərbaycanda dəm qazından zəhərlənmə nəticəsində 1 nəfər ölüb, 2 nəfər isə xəstəxanaya yerləşdirilib.
APA-nın Daxili İşlər Nazirliyinin (DİN) saytına istinadən verdiyi məlumata görə, martın 8-də Abşeron rayon sakini Vidadi Nəbiyev evində dəm qazından zəhərlənərək ölüb.
Həmin gün Sumqayıt şəhər sakinləri Bahar Abdullayeva və Nərmin Abdullayeva evlərindən dəm qazından zəhərlənmə ilə xəstəxanalara gətiriliblər.