"Xalq teatrları - problemlər və perspektivlər" mövzusunda seminar keçirilib
12 iyul 2012 12:54 (UTC +04:00)
Bakı. Ülkər Rəşidqızı – APA. Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzi Qax Rayon Mədəniyyət və Turizm Şöbəsi ilə birgə "Xalq teatrları - problemlər və perspektivlər" mövzusunda seminar keçirib. Nazirliyin mətbuat xidmətindən APA-ya verilən məlumata görə, Qax rayonunda gerçəkləşən seminarda İsmayıllı, Balakən və Oğuz rayonlarında fəaliyyət göstərən xalq teatrlarının rejissor və quruluş hissə müdirləri iştirak ediblər. Tədbirdə Qax Rayon mədəniyyət və turizm şöbəsinin müdiri Nəzir Omarov, Mədəniyyətşünaslıq üzrə Elmi-Metodiki Mərkəzin direktor müavini Polad Zeynalov və İncəsənət bilikləri şöbəsinin müdiri Rafiq Quliyev xalq teatrlarının problemləri və onların aradan qaldırılması üçün görüləcək işlər barədə məlumat veriblər. Teatr Xadimləri İttifaqının Yaradıcılıq şöbəsinin baş mütəxəssisi Çingiz Ələsgərli xalq teatrlarında repertuar seçimindən və yaradıcılıq əlaqələrinin inkişaf etməsinin zəruriliyindən danışıb. Ümumittifaq festivalları laureatı, Mədəniyyətşünaslıq üzrə Elmi-Metodiki Mərkəzin metodisti Qurbanəli Mürsəlov özfəaliyyət və xalq teatrlarına gənclərin cəlb edilməsi və onlara diqqətin artırılmasının əhəmiyyətindən söz açıb. Seminara dəvət olunan xalq teatrlarının rejissor və quruluş hissə müdirləri mövzu ətrafında çıxış ediblər.
Tədbirin sonunda Qax Rayon Xalq Teatrı Məhərrəm Əlizadənin "Şeyx Rəhmətullah" komediyasını seminar iştirakçılarına təqdim edib. Seminar iştirakçıları tamaşa ətrafında fikir mübadiləsi aparıblar.
Tədbirin sonunda Qax Rayon Xalq Teatrı Məhərrəm Əlizadənin "Şeyx Rəhmətullah" komediyasını seminar iştirakçılarına təqdim edib. Seminar iştirakçıları tamaşa ətrafında fikir mübadiləsi aparıblar.
İncəsənət
Gəncə Dövlət Filarmoniyasının təqdim etdiyi "Üzbəüz" layihəsinin qonağı Siyavuş Kərimi olub - FOTO
02:55
8 may 2024
Musiqi məktəblərinə şagird qəbulu başlayıb
14:11
6 may 2024
"Titanik" və "Üzüklərin hökmdarı" filmlərində rol alan aktyor Bernard Hill 79 yaşında vəfat edib
19:27
5 may 2024
Heydər Əliyev Fondunun 20 illiyinə həsr olunmuş konsert proqramı təqdim edilib
09:57
5 may 2024