Bakı – APA. İtaliya futbolunun əfsanəsi Françesko Toldonun Azərbaycana gəlişi rəsmiləşib. Apasport.az-ın AFFA-nın rəsmi saytına istinadən məlumatına görə, Avropa çempionatının gümüş mükafatçısı, UEFA Çempionlar Liqasının, 5 dəfə İtaliya çempionatının və kubokunun, 3 dəfə İtaliya Superkubokunun qalibi olmuş sabiq qapıçının paytaxtımıza səfəri 17 yaşadək futbolçular arasında Avropa çempionatı Azərbaycan-2016-nın püşkatma mərasiminə qatılmaqdı.
“İtaliya Respublikası qarşısında xidmətlərinə görə” ordeninin Kavaleri, karyerası ərzində “İnter”, “Fiorentina” kimi klubların formasını geyinmiş Toldo mərasimdə qonaq kimi iştirak edəcək.
Qeyd edək ki, püşkatma sabah, Bakı Olimpiya Stadionunda keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
