Bakı - APA. "İnterAz Media and Broadcasting Company" MMC Vergilər Nazirliyində qeydiyyatdan keçib.
APA-nın xəbərinə görə, şirkət oktyabrın 5-də qeydiyyata alınıb.
MMC-nin nizamnamə kapitalı 10 manatdır, şirkətin qanuni təmsilçisi Dadaşov Rəşad Süleyman oğludur.
Xatırladaq ki, sentyabr ayının 21-də Azərbaycan prezidentinin ictimai-siyasi məsələlər üzrə köməkçisi Əli Həsənov dəfələrlə xəbərdarlıq edilməsinə baxmayaraq, bir sıra KİV-in, o cümlədən "İnterAz" televiziya kanalının ölkə daxilində qeyri-qanuni fəaliyyət göstərdiyini bildirib.
Ə. Həsənovun səsləndirdiyi fikirlərə "İnterAz" da münasibət bildirib. Televiziyadan APA-ya daxil olan bəyanatda bildirilib ki, "İnterAz" Azərbaycanda qeydiyyatdan keçmiş “SalamPress Nəşriyyat Evi” MMC ilə mövcud rəsmi tərəfdaşlıq müqaviləsi əsasında fəaliyyət göstərir: “Telekanalın fəaliyyətinə “SalamPress” şirkəti məsuliyyət daşıyır. Əli Həsənovun iradlarını nəzərə alaraq, media üzrə hüquq mütəxəssisləri ilə məsləhətləşdikdən sonra "İnterAz" televiziya kanalının Bakı nümayəndəliyinin qeydiyyatdan keçməsi məsələsinə bir daha aydınlıq gətiriləcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
