Bakı. Türbət Bağırova - APA. Cənubi Sudanın Cuba aeroportuna yaxın ərazidə qəzaya uğrayan yük təyyarəsinin ekipaj üzvlərindən 5-i erməni, 1-i isə rus olub.
APA-nın məlumatına görə, bu barədə Cənubi Sudan prezidentinin rəsmi nümayəndəsi bəyan edib.
İlkin məlumatlara görə, aviaqəza nəticəsində təxminən 40 nəfər həlak olub.
Cuba aeroportunun informasiya direktorunun sözlərinə görə, 3 sərnişin sağ qalıb. Bununla yanaşı, yerli KİV təyyarənin ferma ərazisinə düşdüyü üçün ölü sayının arta biləcəyini istisna etməyib.
Qeyd edək ki, bu gün qəzaya uğrayan An-12 yük təyyarəsi "Allied Services Limited" aviaşirkətinə məxsus olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
