Bakı. Şəhriyar Əlizadə - APA. Son 5 ildə Ədliyyə Nazirliyi tərəfindən 167 əcnəbi məhkumun təhvil verilməsinə, xaricdə cəza çəkən 240 soydaşımızın isə Azərbaycana gətirilməsinə nail olunub.
Ədliyyə Nazirliyindən APA-ya verilən məlumata görə, beynəlxalq hüquq əməkdaşlığı çərçivəsində məhkumların verilməsi sahəsində işin dairəsi də genişlənib. Bir sıra dövlətlərlə, o cümlədən Rusiya, Ukrayna, Litva, İranla, həmçinin ötən il Pakistan və Çin ilə bu sahədə müqavilələr bağlanıb, dövlətimiz Avropa və MDB-nin müvafiq konvensiyalarının iştirakçısıdır.
Məlumatda qeyd olunub ki, Novruz Bayramı ərəfəsində İranda cəza çəkən 6 nəfər azərbaycanlı məhkum ölkəmizə, 26 nəfər İran vətəndaşı isə qarşı tərəfə təhvil verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
