Bakı. Türbət Bağırova - APA. Macarıstanın baş naziri Viktor Orban Avropa İttifaqının Rusiyaya qarşı tətbiq etdiyi sanksiyaların vaxtının uzadılmasının əleyhinədir. Lakin bununla belə, o veto hüququndan istifadə etməyəcək.
APA-nın "RİA Novosti" agentliyinə istinadən verdiyi xəbərə görə, bu barədə Viktor Orban “Politico” nəşrinə müsahibəsində bildirib. “Veto atom bombasıdır, onu əldə saxlamaq yaxşıdır, istifadə etmək isə yox”, - deyə V. Orban qeyd edib. O qeyd edib ki, sanksiyalarla bağlı yekun qərar Almaniyadan asılı olacaq.
Qeyd edək ki, KİV-də yayılan məlumatlara görə, Antalyada keçirilən G20 sammitində Qərb liderləri Rusiyaya qarşı sanksiyaların 2016-cı ilin iyul ayınadək uzadılması barədə razılığa gəliblər.