Maliyyə

Ana səhifə

Maliyyə

ARDNF-nin büdcəsinə dəyişiklik edilib

18 mart 2016 15:01 (UTC +04:00)

Bakı. Musa Əhmədov - APA-Economics. Prezident İlham Əliyev “Azərbaycan Respublikası Dövlət Neft Fondunun 2016-cı il büdcəsi haqqında” 29 dekabr 2015-ci il tarixli fərmanında dəyişikliklər edilməsi barədə fərman imzalayıb.

“APA-Economics” xəbər verir ki, dəyişikliklərə əsasən fondun gəlirləri 46,6% və ya 2 mlrd. 133 mln. 90 min manat azaldılaraq 4 mlrd. 578 mln. 474,6 min manat, xərcləri isə 30,4% və ya 2 mlrd. 487 mln. 534 min manat artırılaraq 10 mlrd. 668 mln. 933,7 min manat səviyyəsində təsdiqlənib.

Bundan başqa, Azərbaycan Respublikasının payına düşən karbohidrogenlərin satışından əldə edilən xalis gəlirlər (karbohidrogenlərin nəql edilməsi üzrə məsrəflər, bank, gömrük rəsmiləşdirilməsi, müstəqil nəzarət (sörveyer), marketinq və sığorta xərcləri çıxılmaq şərti ilə, habelə Azərbaycan Respublikası Dövlət Neft Şirkətinin sərmayəçiləri, payçısı və ya tərəfdaşı olduğu layihələrdə onun sərmayəsinə və ya iştirak payına düşən gəlirlər istisna olmaqla) 2 mlrd. 218 mln. 370,6 min manat və ya 57,2% azaldılaraq 3 mlrd. 875 mln. 682,4 min manat, karbohidrogen ehtiyatlarının işlənməsi ilə əlaqədar sərmayəçilər tərəfindən müqavilə sahəsindən istifadə üçün ödənilən akrhesabı ödənişlər 1 mln. 302 min manat və ya 62% artırılaraq 3 mln. 402 min manat, neftin və qazın Azərbaycan ərazisi ilə ötürülməsindən əldə edilən gəlirlər 6 mln. 678 min manat və ya 53% artırılaraq 19 mln. 278 min manat, Dövlət Neft Fondunun valyuta aktivlərinin yerləşdirilməsindən və idarə olunmasından əldə edilən gəlirlər 77 mln. 160,1 min manat və ya 12,8% artırılaraq 679 mln. 950,2 min manat, neft-qaz sazişlərinin imzalanması və ya icrası ilə bağlı sərmayəçilər tərəfindən ödənilən bonuslar 141 min manat və ya 7,7 dəfə artırılaraq 162 mln. manat səviyyəsində təsdiqlənib.

Fərmana əsasən, 3-cü hissədə verilmiş cədvəl aşağıdakı redaksiyada verilib:

Sıra №-si2	Xərc istiqamətləri	Xərclərin məbləği (min manat)
3.1.	Qaçqınların və məcburi köçkünlərin sosial-məişət və məskunlaşma məsələləri ilə bağlı bəzi tədbirlərin maliyyələşdirilməsi	90 000,0
3.2.	Azərbaycan Respublikasının 2016-cı il dövlət büdcəsinə transfert	7 615 000,0
3.3.	Samur-Abşeron suvarma sisteminin yenidən qurulması layihəsinin maliyyələşdirilməsi	70 000,0
3.4.	Bakı-Tbilisi-Qars yeni dəmir yolu layihəsinin maliyyələşdirilməsi	137 621,7
3.5.	2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramının maliyyələşdirilməsi	36 558,0
3.6.	Cənub Qaz Dəhlizi layihələrində Azərbaycan Respublikasının iştirak payının maliyyələşdirilməsi	2 355 318,0
3.7.	Türkiyə Respublikasında “STAR” neft emalı kompleksinin tikintisi layihəsində Azərbaycan Respublikasının iştirak payının maliyyələşdirilməsi	331 776,0
3.8.	Azərbaycan Respublikası Dövlət Neft Fondunun idarə edilməsi ilə bağlı xərclər	32 660,0
	Cəmi	10 668 933,7

1.4. Fərmanın 5-ci bəndi ilə təsdiq edilmiş “Azərbaycan Respublikası Dövlət Neft Fondunun 2016-cı ildə idarə edilməsi ilə bağlı xərclər smetası” aşağıdakı redaksiyada verilsin:

Azərbaycan Respublikası Dövlət Neft Fondunun

2016-cı ildə idarə edilməsi ilə bağlı

X Ə R C L Ə R S M E T A S I

Sıra №-si	Xərclər	Kod	Məbləğ
	Əməyin ödənişi	210000	6,078,280
	Malların (işlərin və xidmətlərin) satın alınması	220000	4,273,448
	Qrantlar və digər ödənişlər	260000	636,700
	Təqaüdlər və sosial müavinətlər	270000	100,000
	Digər xərclər	280000	11,245,950
5.1.	İcarə və muzdlu xidmətlər	281400	86,000
5.2.	Sair xərclər	282100	8,397,950
5.3.	Bank xərcləri	282300	2,762,000
	Qeyri-maliyyə aktivlərinin alınması	310000	10,325,623
XƏRCLƏRİN CƏMİ		32,660,000