Bakı – APA. FİFA prezidentliyinə namizədliyini irəli sürəcək daha bir şəxsin adı bəlli olub. Apasport.az saytı xəbər verir ki, UEFA-nın baş katibi Canni İnfantino ali futbol qurumunda keçiriləcək seçkilərə qatılmaq fikrinə düşüb.
45 yaşlı isveçrəli seçkilərdə həmyerlisi Zepp Blatterin postunu tutmaq arzusundadı.
FİFA-nın prezident seçkiləri gələn il fevralın 26-da keçiriləcək.
Qeyd edək ki, İsveçrədə anadan olan İnfantino ixtisasca vəkildi. 3 uşaq atası olan futbol funksioneri bir neçə dildə sərbəst danışmağı bacarır. O, 2000-ci ildən UEFA-da çalışır.