Bakı. Türbət Bağırova - APA. Rusiyanın Nijeqorod şəhərində yerləşən “Krasnoe Sormovo” zavodu Azərbaycanın CMS şirkəti üçün 2 tanker inşa edəcək.
APA-nın TASS agentliyinə istinadən verdiyi xəbərə görə, gəmiqayırma zavodunun mətbuat xidmətindən bildirilib ki, “Krasnoe Sormovo” zavodu aprelin əvvəlində “Dənizçilik və neft-qaz layihələri” şirkətlər qrupunun köməyi ilə "Caspian Marine Services Limited" şirkəti ilə iki tankerin inşası barədə müqavilə imzalayıb. Tankerlər 2016-2017-ci illər ərzində sifarişçiyə çatdırılacaq. Bütün tarixi boyunca zavod bu region üçün 100-dən çox tanker istehsal edib.
“Krasnoe Sormovo” zavodu 1849-cu ildən fəaliyyət göstərən Rusiya gəmiqayırma şirkətidir. Son 75 ildə zavodda 300 sualtı qayıq və xilasetmə apparatları hazırlayıb və modernləşdirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
