Bakı. Hafiz Heydərov – APA. Abşeronda ölümlə nəticələnən yol-nəqliyyat hadisəsi baş verib.
Rayon Polis Şöbəsindən APA-ya verilən məlumata görə, rayonun Saray qəsəbəsində Sumqayıt şəhər sakinləri Tofiq Haqverdiyevin idarə etdiyi “Ford” markalı və Zabil Əsədzadənin idarə etdiyi “Mitsubishi” markalı mikroavtobuslar toqquşub. Nəticədə “Mitsubishi” yolun kənarında dayanan Yeni Saray qəsəbə sakini 1967-ci il təvəllüdlü Minə Əmiraslanovanı vurub. M.Əmiraslanova aldığı xəsarətdən hadisə yerində ölüb.