Qaçqınların və Məcburi Köçkünlərin İşləri üzrə Dövlət Komitəsi Gəncə şəhərində məcburi köçkünlərin məskunlaşdığı Alüminium zavodunun sanatoriyasında baş verən yanğından sonra görülən işlərlə bağlı məlumat yayıb.
Dövlət Komitəsinin mətbuat xidmətindən APA-ya verilən məlumata görə, aprelin 25-də Gəncə şəhərində Rafiq Həsənəliyev küçəsində yerləşən məcburi köçkünlərin məskunlaşdığı Alüminium zavodunun sanatoriyasında baş vermiş yanğın nəticəsində Kəlbəcər rayonundan olan məcburi köçkün Alıməmmədov Malik Hidayət oğlunun mənzili ev əşyaları ilə birlikdə yanıb.
”Bununla əlaqədar olaraq komitə sədrinin tapşırığı əsasında qurumun əməkdaşları həmin ərazidə olub, mövcud vəziyyətlə yerində tanış olub. Alıməmmədov Malik Hidayət oğlunun mənzili bərpa edilib və yanğın zamanı ailəyə məxsus əşyalara dəymiş ziyanın ödənilməsi qismən təmin olunub”, - deyə Dövlət Komitəsinin məlumatında bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
