Bu ilin yanvar-iyun ayları ərzində Azərbaycan 5 mln. 742,05 min ABŞ dolları dəyərində 24 190,67 ton sement idxal edib.
Bu barədə “APA-Economics” Dövlət Gömrük Komitəsinin xarici ticarətin gömrük statistikasının aylıq hesabatına istinadən məlumat verib.
Məlumata görə, bu, həcm baxımından 2017-ci ilin 6 ilə müqayisədə 10 109,22 ton və ya 71,79% çoxdur. Məbləğ baxımından isə illik nisbətdə 2 mln. 814,20 min dollar və ya 96,12% çoxdur.
Qeyd edək ki, 2017-ci ilin yanvar-iyun aylarında Azərbaycana xarici ölkələrdən 2 mln. 927,85 min dollar dəyərində 14 081,45 ton sement idxal edilib.
Qeyd edək ki, 2018-ci ilin yanvar-iyun aylarında sement idxalı Azərbaycanın ümumi idxalının 0,12%-ni təşkil edib.