Çinin "Xiaomi" şirkəti cari ilin iyun ayında özünün əsas rəqibləri olan "Samsung" (Cənubi Koreya) və "Apple" (ABŞ) şirkətlərindən daha çox smartfon satıb.
"APA-Economics"in "Counterpoint" şirkətinin araşdırmasına istinadən verdiyi məlumata görə, iyun ayında "Xiaomi"nin satışları 26% artıb və qlobal smartfon satışlarının 17,1%-ni təşkil edib. "Samsung" və "Apple"ın satışlardakı payları isə müvafiq olaraq 15,7% və 14,3% təşkil edib.
Lakin araşdırmada qeyd edilir ki, "Xiaomi"nin liderliyi müvəqqəti xarakter daşıya bilər belə ki, bu yaxınlarda Vyetnamda kəskin artan COVID-19 halları "Samsung"un istehsalında dayanmalar yaradıb və yaranan boşluqdan Çin istehsalçısı istifadə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
