Gədəbəydə qətl törədən gənc saxlanılıb.
APA-nın yerli bürosunun məlumatına görə, hadisəni törətməkdə şübhəli bilinən rayonun Kiçik Qaramurad kənd sakini, 1997-ci il təvəllüdlü Məmmədəli Şakir oğlu Cəfərli tutulub.
Onun hadisəni sərxoş vəziyyətdə törətdiyi bildirilir.
Faktla bağlı araşdırma aparılır.
***
03.46
Gədəbəydə bıçaqlanan şəxs xəstəxanada ölüb.
APA-nın qərb bürosunun verdiyi məlumata görə, ötən axşam xəstəxanaya yerləşdirilən rayonun Böyük Qaramurad kənd sakini, 1984-cü il təvəllüdlü Quliyev Elşad İsa oğlu həkimlərin səylərinə baxmayaraq dünyasını dəyişib.
E.Quliyevin kim tərəfindən bıçaqlandığı hələ ki, məlum deyil. Faktla bağlı araşdırmalar davam etdirilir.
***
20:40
Gədəbəydə bıçaqlanma olub.
APA-nın qərb bürosunun verdiyi məlumata görə, hadisə rayonun Böyük Qaramurad kəndində baş verib.
Kənd sakini, 1984-cü il təvəllüdlü Quliyev Elşad İsa oğlu bıçaqlanaraq yolun kənarında uzanmış vəziyyətdə aşkarlanıb. O əvvəlcə Gədəbəy rayon Mərkəzi xəstəxanaya, oradan isə Gəncədə olan tibb ocaqlarının birinə aparılıb. Vəziyyətinin ağır olduğu bildirilir. E. Quliyevin kim tərəfindən bıçaqlandığı hələ ki, məlum deyil.
Faktla bağlı araşdırma aparılır.