Bakı. Hafiz Heydərov - APA. Bakıda fəhlə faciəli şəkildə ölüb.
APA-nın məlumatına görə, hadisə Sabunçu rayonu, Məhəmmədli qəsəbəsində qeydə alınıb. Zabrat qəsəbə sakini, 1986-cı il təvəllüdlü Vüsal Bəylər oğlu Əliyev tikilməkdə olan iki mərtəbəli binanın damından yıxılıb. Nəticədə o, aldığı xəsarətdən yerindəcə keçinib.
Faktla bağlı Sabunçu rayon Prokurorluğu tərəfindən araşdırma aparılır.