Bakı-Qazax magistralının 159-cu kilometrliyində ölümlə nəticələnən yol-nəqliyyat hadisəsi baş verib.
APA-nın Mil-Muğan bürosunun məlumatına görə, Neftçala rayonunun Qaraimanlı kənd sakini, 1986-cı il təvəllüdlü Məmmədov Balakişi Bircəkişi oğlunun idarə etdiyi “Pajero” markalı 10-VV-331 dövlət nömrə nişanlı avtomobil Hacıqabul rayonunun Padar kəndi ərazisində hərəkətdə olarkən yoldan çıxaraq aşıb.
İlkin məlumata görə, nəticədə sərnişin Əliyev Qalib hadisə yerində ölüb. 3 nəfər isə xəsarət alıb. Onlar Şirvan xəstəxanasına yerləşdirilib.
Faktla Baş Dövlət Yol Polis İdarəsində araşdırma aparılır.