BMT baş katibi Antoniu Quterreş Ukraynanın cənub-şərqində atəşkəsə dair əldə olunan razılaşmanı alqışlayıb.
APA-nın TASS agentliyinə istinadən verdiyi xəbərə görə, o, həmçinin münaqişə tərəflərini üzərilərinə götürdükləri öhdəlikləri yerinə yetirməyə çağırıb.
Antoniu Quterreş Donbassda dinc əhalinin vəziyyətindən narahat olduğunu ifadə edib. O ümidvar olduğunu bildirib ki, atəşkəs rejimi təhlükəsizlik məsələlərin həllində irəliləyişə nail olmağa imkan verəcək.
Qeyd edək ki, Pasxa bayramı ilə əlaqədar aprelin 1-dən Ukraynanın cənub-şərqində atəşkəs rejimi elan edilib.