AZAL: Şəhidimizin qohumlarına qarşı hörmətsizlik olunması ilə bağlı xəbər kökündən yanlışdır
28 fevral 2017 18:23 (UTC +04:00)
“Bu gün bəzi saytlar guya “Azərbaycan Hava Yolları”QSC (AZAL) tərəfindən nəşi Naxçıvana göndərilən şəhidimiz Tural Haşımlının yaxınlarına qarşı hörmətsizlik olunmasına dair xəbərlər dərc edib. AZAL bu cür təhrif olunmuş və həqiqətə əsaslanmayan xəbərlərin yayılmasından təəssüflənir”. Bu barədə “APA-Economics”ə açıqlamasında AZAL prezidentinin köməkçisi Paşa Kəsəmənski bildirib.
“Həmin saytlar yazır ki, guya şəhidimizin nəşi yola salınarkən cəmi beş qohuma bilet verilib, bilet olmadığı üçün digər qohumlar onları müşayiət edə bilməyiblər. Bu, kökündən yanlış xəbərdir. Belə ki, yazılanların əksinə olaraq AZAL daha böyük, yəni “Aerobus A-320” tipli təyyarə ayırıb. Bu addım mövcud şərait nəzərə alınaraq atılıb. Hətta şəhidimizin qohumları bu jestə görə AZAL-a təşəkkürünü də bildiriblər. Başqa sözlə, yazılanlar nəinki əsassızdır, hətta haqsızdır”, - deyə P.Kəsəmənski bildirib.
AZAL rəsmisi qeyd edib ki, Naxçıvanda müşahidə olunan qatı duman səbəbindən aviareys bir qədər yubanma ilə yerinə yetirilib.
"Sonda onu qeyd etmək istərdim ki, bəzi kütləvi informasiya vasitələrinin bizimlə dəqiqləşdirmə aparmadan xəbər dərc etdikləri üçün dərin təəssüf hissi keçiririk", - deyə o bildirib.
Sosial
Baş prokuror: Türk Dövlətləri Təşkilatına üzv ölkələrin hüquq-mühafizə orqanları ilə əməkdaşlığın inkişafı prioritetdir
11:18
4 iyun 2024
Əlilliyi olan uşaqların övladlığa götürülməsi üçün aylıq sosial ödənişlərin miqdarı açıqlanıb
11:17
4 iyun 2024
Vilayət Eyvazov Oğuzda qəbul keçirəcək
10:28
4 iyun 2024
Mayda KTM-ə zəhərlənmə səbəbilə 100 nəfər müraciət edib, 5-i ölüb
10:13
4 iyun 2024