Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində narkotik vasitələrin qanunsuz saxlanmasında təqsirləndirilən Habil Əsgərovun cinayət işi üzrə məhkəmə prosesi başa çatıb.
APA-nın məlumatına görə, məhkəmənin hökmü ilə H. Əsgərov 8 il müddətinə azadlıqdan məhrum edilib.
Qeyd edək ki, polis əməkdaşları tərəfindən Habil Əsgərovun yaşadığı evin həyətindən hər birinin çəkisi 35 qram olan 22 ədəd çətənə kolu, evdən isə 5 kiloqram 167 qram marixuana aşkar edilərək götürülüb. Araşdırmalar zamanı həmin evin H. Əsgərova məxsus olmadığı, onun həmin evdə qarovulçu işlədiyi, evin sahibinin Ramiz Xəlilov olduğu müəyyənləşib.