Bakı. Viktoriya Dementyeva – APA. Avropa Birliyinin xarici siyasət və təhlükəsizlik üzrə ali komissarı Ketrin Eşton və AB-nin genişlənmə və qonşuluq siyasəti üzrə komissarı Ştefan Füle Nyu Yorkda “Şərq tərəfdaşlığı” iştirakçısı olan ölkələrin xarici işlər nazirləri ilə görüşüblər. APA-nın xəbərinə görə, görüşdə “Şərq tərəfdaşlığı”nın noyabrda keçiriləcək Vilnüs sammitinə hazırlıq məsələləri müzakirə olunub.
K. Eşton və Ş. Füle bildiriblər ki, AB-nin öz qonşuları ilə bağlı siyasəti AB-nin dəyərlərinə əsaslanır və tərəfdaşların ehtiyaclarına, istəklərinə uyğunlaşdırılır. Onlar qeyd ediblər ki, “Şərq tərəfdaşlığı” çərçivəsində əməkdaşlıq, o cümlədən assosiasiya sazişi regional əməkdaşlıq üçün də faydalı olacaq. Hər iki AB təmsilçisi tərəfdaş ölkələrə təzyiq göstərilməsinin yolverilməz olduğunu vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
