Bakı. Rəşad Süleymanov - APA. Ümummilli lider Heydər Əliyevin anadan olmasının 91-ci ildönümü Silahlı Qüvvələrdə qeyd edilir. Bu barədə APA-ya Müdafiə Nazirliyinin mətbuat xidmətindən məlumat verilib.
Müdafiə naziri general-polkovnik Zakir Həsənov Heydər Əliyevin anadan olmasının 91-ci ildönümü münasibətilə Silahlı Qüvvələrdə döyüş hazırlığının yüksəldilməsində əldə etdikləri nailiyyətlərə, həmçinin vəzifə borclarını nümunəvi yerinə yetirdiklərinə görə fərqlənən şəxsi heyətin həvəsləndirilməsi məqsədilə əmr imzalayıb.