Bakı - APA-Economics. Kimyaçıların kompleks müayinə olunması və müalicəsi məqsədilə «Azərikimya» İstehsalat Birliyinin təklifi üzrə Mərkəzi Neftçilər Xəstəxanasının geniş tərkibli həkim briqadasının iştirakı ilə Sumqayıtda sağlamlıq aksiyasına başlanıb.
«Azərikimya»dan «APA-Economics»ə verilən məlumata görə, Neftçilər Xəstəxanasının geniş təcrübəyə malik tibb işçilərinin 15 nəfərdən ibarət qrupu bütün həftə ərzində kimyaçılara kompleks tibbi xidmət göstərəcək.
Xəstəxananın həkimləri Etilen-polietilen zavodu ərazisindəki «Kimyaçı» poliklinikasında müalicəyə ehtiyacı olan kimyaçıların kompleks müayinəsini həyata keçirəcək və onlara müvafiq müalicə təyin edəcəklər. Lazım olsa, bilavasitə poliklinikada göz, burun-boğaz və digər cərrahiyyə əməliyyatları yerinə yetiriləcək.
Qeyd edək ki, artıq «Azərikimya»da «zavod şəraitində» cərrahi əməliyyatlar üzrə təcrübə var. Belə ki, Azərbaycan Dövlət Neft Şirkətinin təşəbbüsü ilə hələ keçən ilin avqust-sentyabr aylarında «Kimyaçı» poliklinikasında 15-ə yaxın kimyaçı gözlərindən əməliyyat olunub. Budəfəki aksiyanın ilk iki günündə 220-dən artıq işçi həkim müayinəsindən keçib və müalicə təyinatları verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
