Bakı-APA. “Neftçi” ilə oyunumuz maraqlı alındı. 2 qol vurduğum üçün çox sevinirəm”. Apasport.az saytının məlumatına görə, bu sözləri İtaliyanın “İnter” klubunun futbolçusu Marko Livaya deyib.
Avropa Liqasının qrup mərhələsinin son turunda Azərbaycan çempionu “Neftçi” ilə Milandakı qarşılaşmada 2 qol vuran italiyalı 2:2 hesabından razı qalıb: “Milito kimi oyunçu ilə eyni komandada olduğuma şadam. O, hər şey qazanmış böyük futbolçudur. Yanvardan sonra da “İnter”də qalacağam. Mənim üçün hücumun solunda, sağında və ya mərkəzində oynamağın heç fərqi yoxdur. “Neftçi”yə qarşı xeyli sayda 1993-94-cü il təvəllüdlü gənclərimiz oynadı. Onlarla birgə meydanda olmaq darıxdırıcı deyildi. Belə heyətlə heç-heçə də qənaətbəxşdir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
