Dünya fond bazarlarında əsas indekslər üzrə fərqli dinamika qeydə alınıb. ABŞ-da əsas indekslər geriləyib, Avropa və Asiya bazarlarında isə qarışıq dinamika müşahidə olunub.
“APA-Economics” xəbər verir ki, ABŞ bazarında “Dow Jones” indeksi 631,21 bənd və ya 1,21% azalaraq 51 461,90 bəndə, “S&P” 500 indeksi 33,92 bənd və ya 0,45% geriləyərək 7 551,81 bəndə, “Nasdaq Composite” indeksi isə 3,14 bənd və ya 0,01% azalaraq 25 978,43 bəndə düşüb. “NYSE Composite” indeksi 0,81% geriləyərək 23 934,14 bənd təşkil edib.
Avropa bazarlarında isə əsas indekslər yüksəlib. “Euro Stoxx” 50 indeksi 0,48% artaraq 6 266,50 bəndə, FTSE 100 0,28% artaraq 10 688,47 bəndə, “DAX” 0,53% yüksələrək 25 537,75 bəndə çatıb. CAC 40 indeksi 0,62%, “IBEX” 35 indeksi isə 0,41% artıb.
Asiya-Sakit okean regionunda da qarışıq dinamika qeydə alınıb. Yaponiyanın Nikkei 225 indeksi 0,07% artaraq 63 966,87 bəndə, “TOPIX” indeksi 0,72% yüksələrək 4 091,06 bəndə çatıb. Honq-Konqun Hang Seng indeksi 0,98%, Çinin CSI 300 indeksi 0,32% azalıb. Avstraliyanın “S&P/ASX 200” indeksi isə 0,35% yüksəlib.
Bazarların dinamikasına əsas təsir edən amillər arasında FED-in faiz dərəcəsini 0,25 faiz bəndi artıraraq 3,75-4% diapazonuna yüksəltməsi, yüksək neft qiymətlərinin inflyasiya risklərini artırması, eləcə də investorların gələcək pul siyasəti ilə bağlı gözləntiləri yer alıb. ABŞ-da faiz artımı səhmlər üzərində təzyiq yaratsa da, Avropa və Asiyanın bəzi bazarlarında investorlar qərarı əvvəlcədən qiymətləndirdiyindən artım müşahidə olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
