ABŞ-ın "JPMorgan" bankı ötən həftə bu ölkənin Ədliyyə Nazirliyi və Qiymətli Kağızlar və Birjalar üzrə Komissiyası ilə $264 mln. məbləğində cərimənin ödənilməsinə dair razılığa gəlib.
"APA-Economics" "Bloomberg" agentliyinə istinadən xəbər verir ki, buna səbəb bankın Çindən olan məmurlara rüşvət verməsidir. Bildirilir ki, bank çinli məmurların övladlarını işə götürüb, bunun müqabilində isə əlverişli müqavilələrin imzalanmasına nail olub.
ABŞ-ın adları çəkilən qurumları bununla bağlı 3 il ərzində araşdırma aparıb.
"Bloomberg" yazır ki, analoji araşdırma daha 5 banka qarşı aparılır.
Ümumilikdə "JPMorgan" çinli məmurların 200-dən çox qohumunu işə götürüb. Bunun hesabına bank əlavə olaraq $100 mln. gəlir əldə edib.
O da bildirilir ki, iş götürülən məmur qohumlarının çoxu qeyri-peşəkar olub. Onlarla müqavilələr yanvarın ortasından dekabrın ortasınadək bağlanılıb. Bunun hesabına həmin şəxslərin adları ştat siyahısında olmayıb.
Təyinatlar 2006-cı ildən 2012-ci ilədək baş verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
