Bakı. Yeganə Laçınzadə - APA-Economics. "Bank VTB (Azərbaycan) ASC-nin rəhbərliyinə yeni təyinat olub.
"APA-Economics"in əldə etdiyi xəbərə görə, Qorxmaz Ağayev bankın Müşahidə Şurasının üzvü təyin olunub.
Qeyd edək ki, Q. Ağayev AtaHolding ASC-nin hüquq departamentinin müdiridir. 2015-ci ilin yanvarından 2016-cı ilin fevralınadək isə "Caspian Development Bank" ASC-nin Müşahidə Şurasının üzvü olub. Bankir həmçinin Azərbaycanda nümayəndəlik açmış "AzMont İnvestments" MMC-nin qanuni təmsilçisidir.
"Bank VTB (Azərbaycan)" ASC-nin səhmlərinin 51%-i Rusiyanın "Bank VTB" ASC-yə, 48,99% "AtaHolding" ASC-yə, 0,01% isə fiziki şəxsə məxsusdur.