Bakı. Zümrüd Paşayeva - APA. BMT Təhlükəsizlik Şurası Qəzzada vəziyyətin yenidən gərginləşməsindən narahatdır.
APA-nın “Russia Today”ə istinadən verdiyi xəbərə görə, BMT Təhlükəsizlik Şurasının prezidenti, İngiltərənin BMT-dəki səfiri Mark Qrant Fələstin və İsrail tərəflərini atəşkəsi yenidən bərpa etməyə çağırıb: “BMT Təhlükəsizlik Şurası tərəfləri Qəzza zolağında vəziyyəti gərginləşdirməkdən çəkinməyə çağırır və humanitar atəşkəsin elan olunmasını tələb edir”.
Xatırladaq ki, tərəflər arasında əldə olunan müvəqqəti atəşkəs pozulub. HƏMAS İsrailin hava hücumları nəticəsində 3 hərbi komandirinin həlak olduğu barədə məlumat yayıb. BMT-nin açıqlamasına görə isə Qəzzada hərbi əməliyyatlar başladığı gündən bu günədək ölənlərin sayı 2000-ə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
