Kliniki Tibbi Mərkəzin baş həkimin müavini Adil Salahov APA-ya açıqlamasında deyib ki, hadisə nəticəsində bədənin küt travması ilə xəstəxananın uşaq şöbəsində müalicə alan 2010-cu il təvəllüdlü Abdullayeva Aytac dünən evə yazılıb. Xəstəxanaya gətiriləndən sonra ona lazımi yardım göstərilib.
2005-ci il təvəllüdlü Abbasov Ayxan axşam saatlarında gətirilib. O da bədənin küt travması ilə palata şəraitində müalicə alır.
Vəziyyəti orta-ağır olan 1972-ci il təvəllüdlü İsmayılova Mətanət Elbrus qızıdır. Kəllə-beyin travması, qolun, bazunun, almacıq sümüyünün, 11-ci bel fəqərəsinin sınığı, döş qəfəsinin əzilməsi ilə xəstəxanaya gətirilən xəstə hazırda reanimasiyadadır. Səhhətində müsbət dinamika var, amma bərpası üçün vaxt lazımdır.
Qalan xəstələr - 2007-ci il təvəllüdlü İsmayılov Bəkir Vidadi oğlu bədənin çoxsaylı əzilmələri, 15 yaşlı İsmayıllı Aygün Vidadi qızı aşağı ətrafının didilmiş, cırılmış yarası ilə müalicə alır.
Hazırda Klinik Tibbi Mərkəzdə 4 xəstənin müalicəsi davam etdirilir. Onların səhhəti ilə mütəmadi maraqlanıb lazımi tapşırıqlar verilir.
Qeyd edək ki, hadisə nəticəsində xəstəxanaya gətirilən 2000-ci il təvəllüdlü İsmayılov Yunis Vidadi oğlunun yanıq xəsarətləri olduğu üçün Respublika Yanıq Mərkəzinə göndərilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
