Bakı. Aqşin Rafiqoğlu – APA-Economics. Bakıda növbəti Azərbaycan - Rusiya biznes forumu keçiriləcək.
Azərbaycanda İxracın və İnvestisiyaların Təşviqi Fondundan (Azpromo) “APA-Economics”ə verilən məlumata görə, tədbir aprelin 14-də Rusiyanın Ulyanovsk vilayəti nümayəndə heyətinin Azərbaycana səfəri çərçivəsində baş tutacaq.
Biznes forum Azərbaycan İqtisadiyyat və Sənaye Nazirliyinin dəstəyi və “Azpromo”nun təşkilatçılığı ilə keçiriləcək. İşgüzar görüşdə Ulyanovsk vilayətinin iqtisadiyyatın müxtəlif sahələrində fəaliyyət göstərən şirkətləri iştirak edəcəklər.