Hörmətli valideynlər, əziz məktəblilər!
Avropa Azərbaycan Məktəbi 2014/2015-cü tədris ili üzrə I-XI siniflərə şagird qəbulu elan edir!
Qəbul yazılı və şifahi formada müsabiqə yolu ilə aparılır.
Məktəbin üstünlükləri
- Dərslər beynəlxalq kurikulum əsasında fəal təlim üsulları ilə keçirilir.
- Dərsliklər və dərs vəsaitləri pulsuzdur.
- Tədris və təlim sahəsində təcrübəyə malik olan xarici mütəxəssislər pedaqoji fəaliyyətə cəlb olunur.
- İntensiv proqram əsasında ingilis dili öyrədilir.
- Şagirdlərin arzu etdikləri ölkə və ya dünyanın ən nüfuzlu universitetləri üzrə tam hazırlıq aparılır.
- Məktəbi bitirən şagirdlərə milli attestatla eyni zamanda, beynəlxalq miqyasda tanınan təhsil haqqında şəhadətnamələr də verilir.
- Dərs və dərsdən kənar məşğələlərdə ən son texnologiyalar tətbiq edilir.
- Mütəxəssislərin rəhbərliyi ilə şahmat, üzgüçülük, rəqs və əl sənətləri məşğələləri keçirilir.
- Şagirdlər xüsusi məktəbli forması ilə təmin olunur.
- Gündə iki dəfə yüksək keyfiyyətli isti yemək verilir.
- Şagirdlərin məktəbə rahat və təhlükəsiz gəlib-getməsi üçün güzəştli qiymətlərlə “School bus” (Məktəb avtobusu) xidməti göstərilir.
- Respublikanın regionlarına müntəzəm olaraq səyahət və ekskursiyalar təşkil edilir.
- Tətillər zamanı güzəştli qiymətlərlə şagirdlərin xarici ölkələrə səfərləri həyata keçirilir.
Təhsil ödənişlidir
Bununla eyni zamanda, şagirdlər üçün ödənişsiz və güzəştli təhsil imkanları təmin edilir.
1. Ödənişsiz təhsil imkanı:
VI-X siniflərə qəbul imtahanları zamanı əla qiymətlər alan şagirdlər təhsil haqqından azad edilir.
2. Güzəştli təhsil imkanı:
Hər sinif üzrə təhsildə ən yüksək nəticələr göstərən şagirdlər növbəti ildə təhsil haqqından tam azad edilir.
Müsabiqədə iştirak etmək üçün tələb olunan sənədlər:
- Ərizə (valideynlərdən biri tərəfindən doldurulur).
- Şagirdin təhsil aldığı məktəbdən 2014/2015-cü tədris ilinin birinci yarım ili üzrə qiymət cədvəli.
- Doğum haqqında şəhadətnamənin əsli.
- 3х4 ölçüdə 2 ədəd rəngli fotoşəkil.
Sənədlər
2014-cü il 3 mart - 10 aprel tarixində hər gün (bazar günündən başqa) saat 09:00-dan-18:00-dək qəbul edilir. Müsabiqə 12-20 aprel tarixində keçiriləcəkdir.
Valideyn və şagirdlər üçün məktəblə tanışlıq turları:
Öncədən əlaqə saxlayıb, qeydiyyatdan keçməklə məktəblə tanışlıq turlarında iştirak etmək mümkündür. Tanışlıq turları həftənin I,II və III günlərində, saat 16:30-dan 17:15-dək keçirilir.
Məktəbin ünvanı: Həsən Məcidov küçəsi, 7 C, AZ 1065, Bakı, Azərbaycan
(“Elmlər Akademiyası” m/s yaxınlığında) email: [email protected]
Əlaqə telefonları: 012 539 89 36/37/38