Bakı - APA. Bu gün saat 7:19 radələrində Qırğızıstanın Oş vilayətində 5 bal gücündə zəlzələ baş verib.
APA-nın İTAR-TASS agentliyinə istinadən verdiyi məlumata görə, Qırğızıstan Milli Seysmologiya İnstitutu zəlzələ ocağının Bor-Dyub qəsəbəsindən 30 km şimal-şərqdə, Nur kəndindən 25 km məsafədə olduğunu açıqlayıb.
Qırğızıstan Fövqəladə Hallar Nazirliyi ilkin məlumatlara əsasən dağıntı və tələfatın olmadığını, ancaq hazırda bölgəyə gedən mütəxəssislər tərəfindən araşdırma aparıldığını bildirib.
Qeyd edək ki, 5 il əvvəl bu ərazidə 8 bal gücündə zəlzələ baş verib. Nəticədə Nur kəndində evlərin yarısı dağılıb, 75 nəfər ölüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
