Bakı. Vahab Rzayev – APA-Economics. Azərbaycanın «Bank Respublika» ASC mayın 1-dən iyulun 31-dək bütün nağd kreditlərə 2%-lik endirim elan edib. «APA-Economics»in xəbər verdiyi kimi, bu barədə bankın rəsmi məlumatında deyilir.
Məlumata əsasən, bankın nağd kreditləşmə ilə bağlı verilən kreditin maksimal məbləği 5 000 manat, maksimal müddəti 24 ay təşkil edir. Bununla yanaşı, 1 000 manatadək kredit alanlardan zamin və girov tələb olunmur.
Qeyd edək ki, bankın nağd kreditləri üzrə real faiz dərəcələri (FİFD) illik 30%-dən başlayır.